KVW / ACLI Assoziazion Catolica di Lauranc – grupa de Urtijëi

KVW / ACLI Assoziazion Catolica di lauranc – grupa de Urtijëi

L KVW ie n’assoziazion de persones che lëura y se mpënia per i bujëns dla persones sozialmënter dëibles y svantajedes cun l fin de mudé situazions sozieles aldò di valors fundamentei dla dutrina soziela cristiana: la solidarietà, la giustizia y la pesc. Oradechël se cruziela de stavardé l crià y de partì su la richëza te na maniera rëidla. L’atività dl KVW se tën ala nuvela soziela dl Vaniele.
Pra la sezion dl KVW de Urtijëi fejel nce pert persones de Runcadic y Bula

L cunsëi KVW / ACLI de Urtijëi ie metù adum da 12 cumëmbri

Digan Dr. Vijo Pitscheider           assistënt spirituel
Dr. Josef-Johann Kostner            presidënt; reprejentant tl Cunsëi pruvinziel dl KVW
Monika Kelder Venturini             vize; respunsabla per retlam y media
Claudia Verra                                  scrivana
Brigitte Runggaldier                      cassiera
Maria Elisabeth Moroder            urganisazion de viages y culaburadëssa dla majon dal guant; vijites  ncësa a cumëmbri d’età dl KVW
Christine Obletter                          urganisazion de viages, manifestazions, y zelebrazions liturgiches
Paul Walpoth                                  fotograf y fé placac
Annemarie Piccolruaz                  respunsabla dla majon dal guant
Walter Goller                                  reprejentant per Bula y Runcadic
Monika Insam                                 respunsabla di cursc de ginastica
Markus Mahlknecht                      mandé ora nvic ala sentedes y retlamisé la manifestazions a Runcadic y Bula

I servijes per i zitadins:

Patronat
L Patronat KVW / ACLI pieta aiuc, cunsieia y reprejentea duta la zitadines y i zitadins te cuestions che à da nfé cun la prevenzion y l’assistënza soziela.
Cunsulënza uni juebia dala 8:15 ala 12:00.
Per apusté n terminn possen cherdé su l numer de tel. 0471 050780
da merdi a juebia, dala 15:00 ala 16:45

My CAF – Die KVW Service GmbH
My Caf pieta n servisc che à da nfé cun la detlarazion dla chëutes, EEVE – bonus per la familia, ISEE, RED, INVCIV y d’autra cuestions fischeles.   de plu..

N possa resservé n terminn online sota www.mycaf.eu, o nce al numer de telefonn 0471-941 704.

Majon dal guant: tla vedla Cësa de Paussa
Deberieda cun la grupa Caritas y Miscion vëniel abinà adum y dat ca a guant y ciauzei adurvei ma mantenìi mo drët bën a duta la jënt per na pitla dunfierta.
Orars de giaurida: de merdi dala 8:30 ala 10:30 y la juebia dala 14:00 ala 16:00.

Iscrizion al‘assoziazion dl KVW uel dì
sté deberieda tla grupa dl luech
fé pea ativamënter pra cursc y d’autra manifestazions
giapé la zaita “Kompass” per nrescì duta la nuviteies
giapé reduzions per fé la detlarazion dla chëutes y per jì de viac
vester leprò cun 30 euro de cuntribut

Nosta atività via per l ann
Furmazion per granc: cursc, cunferënzes y seminars (argumënc culturei, soziei, religiëusc y politics)
Fé pea pra santa mësses y funzions religiëuses
Urganisazion de ativiteies tl tëmp liede, viages y jites

“Clich”  ngrandì la fotografies

1 KWV 2 KWV 4 KWV 3 KWV 5 KWV 6 KWV