La festa dla Prima Cumenion vën tenida te nosta pluania l’ultima dumënia de auril.

Dala pluania vën nfurmei i genitores di sculeies che va tla segonda tlas dla scola elementera dla puscibeltà de si mutons de pudëi tò pert ala Prima Cumenion. I genitores pensà do y tol la dezijion cun cusciënza y respunsabltà scrijan ite i mutons per la festa dla Prima Cumenion y nce per l curs de preparazion ala Prima Cumenion.

I genitores se anconta dochël plu sëires, ulache l ti vën cuntà dant sun la zelebrazion dl Eucarestia y sun la S. Cumenion. Ëi tol pea nce l atestat dl Batëisum di mutons. Tl ancuntedes se ntëndi che tres l viver do la dutrina cristiana te si cësa, possi acumpanië i mutons da Gejù.

Ëi va cun i mutons te si dlieja parochiela y ti spiega y ti nsenià co se cumpurté te dlieja. I tol pea ala S. Mëssa dla dumënia o ala Mëssa dla families, ulache la umans pra la prima pert dla S. Mëssa ti spiega la liturgia dla parola. I genitores se nteressea dl nseniamënt dla religion a si mutons. I mutons vën pona nviei a plu ancuntedes, ulache la umans i nvieia via cuncretamënter ai istruì tla pratica y tl cuntenut, per se giaurì al sacramënt dla S. Cumenion y tl festejé pea la S. Mëssa. I mutons cun si families se prejenterà ala cumunità parochiela pra na S. Mëssa dla sada sëira y per se prië dai cumëmbri dla pluania la simpatia, l ejëmpl y la priera. Oradechël iesi nviei de ruvé ite bel plan tla vita dla pluania.

Dan la Prima Cumenion ie i mutons nviei ala funzion dla pista. La festa dla dumënia dla Prima Cumenion vën prësc anjenieda ca dala umans, dai peres, dala maestres y dai maestri de religion y dal pluan. L vën metù adum n majer placat cun l simbol y la fotografies di mutons y metù ora te dlieja.

Duc i mutons possa tò pert cun i guanc dla Prima Cumenion al pruzescion de dumënia dai Andli. Ëi ie ënghe de cuer nviei a tò pert ativamënter cun si families ala Mësses per mutons, ala S. Mësses dla dumënia y dla festes.